Արսենալը Պրեմիեր լիգայի ամենակեղտոտ թիմն է
Սեսկ Ֆաբրեգասը միգուցե և խուսափեց հեռացումից "Վուլվերհեմփթոնի” հետ խաղում, սակայն "Արսենալը” շարունակում է զիջել իր դիքերը   Fair Play-ի աղյուսակում, որտեղ թիմը ներկա պահին զբաղեցնում է վերջին հորիզոնականը:

"Արսենալի” ավագը ներողություն է խնդրել Սթիվեն Ուորդից վերջինիս հանդեպ կոպիտ խաղ ցուցադրելու համար և դեղին քարտի արժանացել, թեև բոլորը պահանջում էին կարմիր քարտ ցույց տալ նրան:

Այժմ "Արսենալը”, որը նախորդ մրցաշրջանում Fair Play աղյուսակում զբաղեցնում էր առաջին հորիզոնականը, պաշտոնոպես վերականգնեց անգլիական ֆուտբոլի "վատ տղաների” համբավը` այն, ինչ Վենգերն ուներ 14 տարի առաջ:

Լորան Կոշելնին ընթացիկ մրցաշրջանում երկու անգամ հեռացվել է խաղից, մեկական կարմիր քարտ են ստացել Ալեքս Սոնգը և Ջեք Ուիլշարը: Այս ցուցանիշով "Արսենալի” հետ կարող է համեմատվել միայն "Վեսթ Բրոմվիչը”:

Սակայն վերոհիշյալ վարկանիշը չի հիմնվում միայն կարմիր և դեղին քարտերի վրա, դրանք կազմելիս հաշվի են առնվում նաև ֆուտբոլիստների ընդհանուր վերաբերմունքը հակառակորդի և մրցավարների հանդեպ, ինչպես նաև թիմի մարզչական շտաբի պահվածքը:  Այժմ Վենգերը, ով արդեն մի անգամ արդեն  որակազրկվել է մեկ խաղով մրցավարի հանդեպ ցուցաբերած անվայել պահվածքի համար, հիմա հայտնվել է մի այնպիսի իրավիճակում, երբ կարող է ինքը գլխավորել "կեղտոտ դեմքով հրեշտակների” ցուցակը:

Եվ եթե Արսեն Վենգերը պատրաստվում է կրկին սկսել իր "կեղտոտ խաղի” դեմ ուղղված քարոզը, որի զոհ են դարձել արդեն Ռայան Շոուկրոսը, Ռոբերտ Հուտը ("Սթոք Սիթի”) և Փոլ Ռոբինսոնը ("Բոլտոն”), ապա այս անգամ կարող է սկսել ինքն իրենից: