«Բարսելոնայի» ֆուտբոլիստ Մեսսին, որը վնասվածք է ստացել Իսպանիայի առաջնության երրորդ տուրի «Ատլետիկոյի» դեմ խաղում (2:1), կարող է մոտ երկու շաբաթ բաց թողնել, տեղեկացնում է Marca-ն:
Ավելացված ժամանակում արգենտինացին վնասվածք է ստացել չեխ պաշտպան Տոմաշ Ույֆալուշիի հետ պայքարում և պատգարակով դուրս է բերվել խաղադաշտից: Առաջին հետազոտության արդյունքում պարզ է դարձել, որ ֆուտբոլիստը մասամբ կտրել է աջ ծնկի կապանը: Երկուշաբթի օրը Մեսսին ավելի մանրամասն հետազոտություն կանցնի: