 Մոուրինյոյի որոշումը մի քանի առաջատարներին հանգիստ տալու համար նշանակում է, որ նրանք նաև չեն մասնակցի «Հերկուլեսի» հետ հանդիպմանը: Երբ «Հերկուլեսը» տեղեկացավ, որ Կասիլյասը, Ռամոսը, Ալոնսոն, Ռոնալդուն ու Իգուաինը չեն խաղա «Ռիկո Պերես» մարզադաշտում Ալիկանտե քաղաքի գավաթի խաղում, հիշեցրեց այն պայմանագրի կետերը, որ կնքել է «Ռեալի» հետ կապված այս ընկերական խաղի հետ:
«Հերկուլեսի» սպորտային տնօրեն Կառլոս Պարոդին այս առիթով երեկ ասել է.«Մենք կապնվել ենք «Ռեալի» ղեկավարների հետ ու հիշեցրել, որ ըստ կնքված պայմանագրի «Ռեալի» բոլոր աստղերը պետք է խաղան, եթե վնասվածք չունեն: Ամեն ինչ մանրամասն թղթի վրա գրված է ու Մադրիդից մեզ հավաստիացրեցին, որ ոչ մի խնդիր չի լինի»: Հիմա Մոուրինյոն պետք է փոխի իր որոշումը ու նորից մտածի, թե ինչ կազմ է դուրս բերելու դաշտ, որի վրա խաղալու համար «Ռեալը» 1 մլն եվրո է ստանալու: Չի բացառվում, որ Ժոզեն իր հետ տանի նաև Ռոնալդուին ու Իգուաինին, իսկ Իսպանիայի հավաքականի անդամներին հանգիստ կտա, քանի որ վերջիններս ավելի քիչ ժամանակ են ունեցել հանգստանալու համար: Մոուրինյոն իր որոշման մասին կտեղեկացնի վաղը, երբ կհայտնի նաև խաղի հայտացուցակը: «Հերկուլեսում» վստահ են, որ «Ռեալը» կգա իր աստղերով, ներառյալ Օզիլը: Ոչ ոք չի կասկածում, որ ակումբը կատարելու է իր կնքած պայմանագիրը: Միայն կիրակի օրվա ընթացքում «Հերկուլեսը» արդեն վաճառել է 10000 տոմս: «Ռեալի» աստղերի գալը հենց այն պատճառն է, որի համար բոլորը այսպես ակտիվորեն գնում են տոմսերը: Տոմսերի գները տատանվում են 35-145 եվրոյի սահմանում: Շաբաթվա ընթացքում նույնիսկ հերթեր են գոյացել:
ՀՂՈՒՄԸ`realmadrid.am
www.footballist.ucoz.com,ADMINISTRATOR
|
