Մանչեսթեր Յունայթեդի» կիսապաշտպան Մայքլ Կերիկը «Նյուքասլի» հետ կայանալիք հանդիպման նախօրեին հայտարարել է, որ իր թիմը չպետք է առաջնության հենց սկզբում թույլ տա «Չելսիին» շատ առաջ անցնել:
«Իրավիճակն առաջնությունում այնպիսին է, որ մեզ այժմ չի կարելի շատ միավորներ կորցնել: Նախորդ մրցաշրջանը փոքր-ինչ տարօրինակ ստացվեց, քանի որ մենք ու «Չելսին» պարտվեցինք շատ հանդիպումներում և կորցրեցինք շատ միավորներ: Նախորդ մրցաշրջաններում սխալի գինը այդքան մեծ չէր, բայց հիմա ամեն ինչ այլ կերպ է: Մենք պետք է հենց առաջին խաղերում արդեն միավորներ վաստակենք:
«Չելսին» գործող չեմպիոն է, այնպես որ նրան պետք է համարել այս առաջնության ֆավորիտներից մեկը: Այդ թիմին պետք է հարգել իր կազմի և հաջողությունների համար: Հարգանքով է պետք վերաբերվել նաև «Մանչեսթեր Սիթիին»: Թղթի վրա նրանց կազմը շատ մարտական է թվում, բայց դա դեռ չի երաշխավորում նրանց հաջողությունը:
Ինչ վերաբերվում է այսօրվա հանդիպմանը, ապա «Նյուքասլի» ֆուտբոլիստները թռչելու են դաշտով մեկ: Սա նրանց առաջին խաղն է Պրեմիեր լիգա վերադառնալուց հետո, և նրանց համար ավելի լավ բան չէր կարող լինել, քան հանդես գալ «Օլդ Տրաֆորդում»: Իհարկե, «Նյուքասլը» ցանկանում է հաջող մեկնարկել այս մրցաշրջանը: Երկու տարի առաջ մենք մրցել ենք այս թիմի հետ, և այն ժամանակ գրանցվել էր ոչ ոքի: Հուսով եմ, այս անգամ «Մանչեսթեր Յունայթեդը» լավ հանդես կգա», - Կերիկի խոսքերն է մեջբերում Football 365-ը:
WWW.FOOTBALLIST.UCOZ.COM,ADMIINISTRATOR
