"Ինտերի” գլխավոր մարզիչ Ռաֆայել Բենիտեսը նշել է, որ նրա սաները նախկինի պես հաղթանակ են տենչում, և դա նրանք մտադիր են ապացուցել "Կյեվոյի” հետ կայանալիք առաջիկա հանդիպմանը: Բացի դրանից, իսպանացի մասնագետը հայտնել է, որ ցավում է "Միլանից” կրած պարտության համար (0:1):
"Մենք շատ ենք տխրում, որ զիջեցինք "Միլանին”: Բայց ես տեսնում եմ, որ իմ ֆուտբոլիստները նախկինի պես ցանկանում են հաղթել, և դա նրանք մտադիր են ապացուցել "Կյեվոյի” հետ կայանալիք առաջիկա հանդիպմանը: Մենք պետք է ավելի զգույշ գործենք: Ես Իտալիա եմ եկել ոչ թե լեզուն սովորելու, այլ "Ինտերին” հաղթանակի բերելու համար”, - Բենիտեսի խոսքերն է մեջբերում Football Italia-ն:
