Ֆրանսիայի հավաքականի գլխավոր մարզիչ Լորան Բլանը ակնարկել է, որ չի պատրաստվում ևս մեկ անգամ պատժել 2010թ. աշխարհի առաջնությանը մասնակցած ֆուտբոլիստներին:
Հիշեցնենք, որ Ֆրանսիայի ֆուտբոլի ֆեդերացիան որոշել էր մեկ խաղով որակազրկել այդ ֆուտբոլիստներին: Նրանք բաց կթողնեն Նորվեգիայի հետ կայանալիք ընկերական հանդիպումը, բայց այնուհետև կվերադառնան հավաքական:
"Այն, ինչ պատահեց, հնարավոր չէ ջնջել հիշողությունից: Այդ սպին կմնա հավերժ, - Բլանի խոսքերն է մեջբերում L’Equipe-ը, - միակ բանը, որ թույլ կտա մոռանալ այդ ամենը, դա հաղթանակներն են: Եվ, անկասկած, ֆուտբոլիստներն ամեն ինչ կանեն դրա համար: Եթե մենք ցանկանում ենք ևս մեկ պատժամիջոց կիրառել, ապա պետք է շատ զգույշ լինենք: Մեր նպատակին հասնելու համար, այն է` դուրս գալ Եվրոպայի առաջնության եզրափակիչ փուլ, մենք պետք է ներդնենք մեր բոլոր ուժերը”:
Բլանը նաև չի բացառել, որ հավաքական կարող է հրավիրվել Նիկոլյա Աելկան, ով հանդիսանում է սկանդալի գլխավոր մասնակիցը: Ֆրանսիացիների մարզիչը նշել է, որ անհաջողության դեպքում կլքի թիմը: