Մանչեսթեր Յունայթեդի պաշտպան Ռիո Ֆերդինանդն անհանգստություն է արտահայտել այն կապակցությամբ, որ հիմա երիտասարդ անգլիացի ֆուտբոլիստներն ավելի շատ գիշերային ակումբներով եւ աղջիկներով են հետաքրքրված, քան ֆուտբոլով:

Անգլիայի հավաքականի ավագը, որը շուտով խաղադաշտ կվերադառնա ծնկի վնասվածքի ապաքինումից հետո, իր կարիերան սկսել է «Վեսթ Հեմ-ի ավագ խաղացողների կոշիկները սրբելով: Հիմա այդպիսի բան չկա, և Ֆերդինանդի կարծիքով, երիտասարդները շատ արագ են պրոֆեսիոնալ աճի մեջ կորցնում մոտիվացիան:

Տղաներից շատերը հիմա վաղ են կնքում առաջին պայմանագրերը, շաբաթական ստանում են 500 կամ 2000 ֆունտ ստերլինգ եւ կարծում են, որ մինչև կյանքների վերջ կբավականացնի: Երիտասարդության տարիներին ես անընդհատ աշխատում էի իմ խաղի կատարելագործման վրա, քայլ առ քայլ ես մտել եմ հասուն թիմ: Ներկայիս խաղացողները մտածում են ոչ թե խաղի որակի, այլ այն մասին, թե որքան կստանան, քանի ընկերուհի կունենան, ինչ ավտոմեքենա կգնեն: Այդ տղաները չեն հասկանում, որ գործի նկատմամբ նման վերաբերմունքով մի քանի տարի հետո ստիպված կլինեն աշխատանքի շուկայում գործ փնտրել,- Ֆերդինանդի խոսքերն է մեջբերել "СЭ"-ն`  հղում անելով The Sun-ին:
Armsport.am
www.footballist.ucoz.com