Այսօր՝ հոկտեմբերի 21-ին լեգենդար բրազիլացի ֆուտբոլիստ Էդսոն Արանտես դո Նասիմենտոյի կամ պարզապես Պելեի ծննդյան 70-ամյակն է:
Մինչ այժմ տարբեր տեղեկատուներում տարաձայնություններ կան Ֆուտոբլի Արքայի ծննդյան օրվա հետ կապված: Չնայած նրան, որ շատ տեղերում գրված է հոկտեմբերի 21 ամսաթիվը, ինքը՝ Պելեն, պնդում է, որ ծնվել է երկու օր ուշ:
Պելեն համարվում է համաշխարհային ֆուտբոլի լավագույն ֆուտբոլիստներից մեկը: Պաշտոնական խաղերում նա 760 գոլ է խփել, իսկ իր կարիերայի ընդհանուր գոլերի թիվը 1284 է:
Պրոֆեսիոնալ կարիրեան սկսել է արդեն 15 տարեկան հասակում, երբ հրավիրվել է «Սանթոս», իսկ մեկ տարի անց տեղի ունեցավ երիտասարդ ֆուտբոլիստի նորամուտը ազգային հավաքականի կազմում: Պելեն «Սանթոսը» լքել է 1974-ին: 1975-77 թթ. բրազիլացին ելույթ ունեցավ «Նյու-Յորք Կոսմոս» ակումբում, որի պատվավոր նախագահն է հանդիսանում մինչ օրս:
Բրազիլիայի հավաքականի կազմում Պելեն մասնակցել է չորս Աշխարհի առաջնության: Դրանցից երեքում Բրազիլիայի հավաքականը նվաճել է չեմպիոնի տիտղոսը: Պելեն համարվում է համաշխարհային ֆուտբոլի պատմության միակ ֆուտբոլիստը, որը երեք անգամ դարձել է աշխարհի չեմպիոն:
Ձեր ուշադրությանն ենք ներկայացնում բոլորովին վերջերս նկարահանված մի կարճ տեսաֆիլմ, որտեղ ֆուտբոլի արքան ներկայացնում իր խփած վերջին՝ 1284-րդ գոլը: Հավատացե՛ք արժե հինգ րոպե ծախսել և վայելել այս ֆիլմը: