«Մանչեսթեր Յունայթեդի» գլխավոր մարզիչ Ալեքս Ֆերգյուսոնը հայտարարել է, որ կիսապաշտպան Օուեն Հարգրիվզը հինգ շաբաթ բաց կթողնի ծնկի վնասվածքի կրկնության պատճառով: Անգլիայի հավաքականի նախկին ֆուտբոլիստի բուժման պրոցեսը կշարունակվի: Նախորդ շաբաթվա ընթացքում Հարգրվիզը երկու տարի անց խաղադաշտ դուրս եկավ և «Վուլվերհեմփթոնի» դեմ խաղում տասը րոպե խաղալու հետո, ծնկի հատվածում ցավեր զգաց:
«Մենք գիտեինք, որ Հարգրիվզի ծնկի հետ ամեն ինչ կարգին է,- Ֆերգյուսոնի խոսքերը փոխանցում է «Մաչեսթեր Յունայթեդի» կայքը: Նա հիանալի մարզվեց վերջին ութ-ինը օրերի ընթացքում և մենք որոշեցեինք նրան խաղադաշտ դուրս բերել «Վուլվերհեմփթոնի» դեմ խաղի ընթացքում: Բայց, հնարավոր է, որ վերականգնողոական գործընթացքում լարվածությունը ազդել է իր վրա և դա դարձել է վնասվածքի կրկնության պատճառ»: