ՀԱՂԹԱՆԱԿ ՍԿԶԲՈՒՆՔԱՅԻՆ ԽԱՂՈՒՄ – Դոնեցկի «Շախտյորը» Ուկրաինայի առաջնության 12-րդ տուրի խաղում 2-0 հաշվով առավելության հասավ իր ամենասկզբունքային մրցակցի՝ Կիևի «Դինամոյի» նկատմամբ: Այս հաղթանակից հետո Ուկրաինայի ուժեղագույն թիմերի միջև միավորների տարբերությունը հասավ հինգի: «Շախտյորը» 31 միավորով առաջին տեղում է, իսկ «Դինամոն»՝ 26 միավորով երկրորդն է: Հայաստանի հավաքականի ֆուտբոլիստ Հենրիխ Մխիթարյանը մասնակցել է «Դինամոյի» դեմ ողջ հանդիպմանը.
ԵՐԿՈՒ ՕՐ ԱՎԵԼԻ - «Մենք երկու օր ավելի էինք հանգստացել, քանի «Դինամոն» և այսօր ավելի շատ պահեր ստեղծեցինք: Երկու օրը բավական երկար ժամանակ է, այդ պատճառով մենք օգտագործեցինք մեր ւոժերը և կարողացանք ավելի արագ վերականգնվել, քան «Դինամոն»,- խաղից հետո ասել է Հենրիխը:
ԼԱՎԱԳՈՒՅՆԸ ՍԵՊՏԵՄԲԵՐԻՆ - Մինչ հանդիպումը Դոնեցկի «Շախտյորի» պաշտոնական կայքն ամփոփել է սեպտեմբեր ամսվա վերաբերյալ քվեարկությունները: Մխիթարյանը բոլորից շատ ձայն է հավաքել և՛ ամսվա լավագույն ֆուտբոլիստի, և՛ ամսվա լավագույն գոլի քվեարկություններում: Որպես ամսվա լավագույն ֆուտբոլիստ Հենրիխի օգտին են քվեարկել հարցման մասնակցած 2134 հոգուց 861-ը (40.35%): Իսկ ամսվա լավագույն գոլի քվեարկությանը մասնակցել է 3091 հոգի, որոնցից 1396-ը (45.16%) իրենց ձայնը տվել են Հենրիխ Մխիթարյանի՝ «Կրիվբասի» դարպասը խփած գոլին:

---

Totalfootball.am
www.footballist.ucoz.com, ADMINISTRATOR