«Միլանի» լեգենդ Պաոլո Մալդինին կարծիք է հայտնել, որ Իտալիայի առաջնության առաջիկա տուրի «Ինտերի» դեմ խաղի հաղթանակի դեպքում «Միլանը» ծանրակշիռ հայտ կներկայացնի սկուդետոյի համար: 11 տուրերից հետո «Միլանը» զբաղեցնում է մրցաշարային աղյուսակի առաջին տեղը'«Ինտերին» գերազանցելով երեք միավորով:
«Խաղին թիմերը տարբեր վիճակով են մոտենում: «Ինտերի» կազմում շատ են վնասվածք ունեցողները, իսկ իմ նախկին ակումբը գլխավորում է աղյուսակը: Հիմա «Միլանի» համար պիկ ժամ է. հաղթանակը թույլ կտա թիմին «Ինտերից» պոկվել և հաստատել չեմպիոնական ամբիցաները»,- միլանյան 53 դերբիի մասնակցած Մալդինիի խոսքերն է մեջբերում «Sky Sport Italia»-ն: