Տևեսի գոլին Նյուքասլի ֆուտբոլիստները կարողացել են  պատասխանել Յոնաս Գուտյերեսի դիպուկ հարվածով: Ռոբերտո Մանչինին շատ դժգոհ է եղել իր սաների խաղից և հանդերձարանում չի կարողացել զսպել իրեն: 

The Sun-ի տեղեկացմամբ, Կառլոսը` որպես ավագ, փորձել է ասել Մանչինիին, որ վերջինս սխալվել է կազմը ընտրելիս և իր ծայրահեղ պաշտպանողական ռազմավարությամբ, բայց մարզիչը պատասխանել է անվայել արտահայտությամբ  ("Go **** your mother") և կարգադրել  ֆուտբոլիստին նստել իր տեղը:

Իհարկե, դա զայրացրել է տաքարյուն արգենտինացուն, և նա փորձել է ձեռք բարձրացնել իր մարզչի վրա, բայց թիմի այլ խաղացողներ կարողացել են ժամանակին բաժանել նրանց: Մանչինին շարունակել է քննադատել ֆուտբոլիստներին, այնուհետև պարզապես լքել է հանդերձարանը: 

Հիշեցնենք, որ քաղաքաբնակները, այնուամենայնիվ, հաղթել են այս խաղը`  շնորհիվ փոխարինման դուրս եկած Ադամ Ջոնսի` 2:1: Ինքը` Տևեսը, փոխարինվել է խաղի ավարտին, և հեռանալով դաշտից` սեղմել է Ռոբերտո Մանչինիի ձեռքը, սակայն դժվար է ասել` ավարտվել է արդյոք այդ ընդհարումը: 

Հավելենք, որ նախորդ մրցաշրջանում 26-ամյա Տևեսը երկու անգամ բախվել էր իտալացի մարզչի հետ: