Մարդիդի «Ռեալի» գլխավոր մարզիչ Ժոզե Մոուրինյոն իր կարծիքն է հայտնել Եվրոպայի լավագույն ֆուտբոլիստների թեկնածուների մասին:
Մասնավորապես նա հայտարարել է, որ չի հասկանում, թե ինչու է «Ոսկե գնդակի» գլխավոր թեկնածուն համարվում «Բարսելոնայի» կիսապաշտպան Անդրես Ինյեստան:
«Ասացեք ինձ, ինչու՞ Ինյեստան: Այո՛, Աշխարհի առաջնության եզրափակիչում կարևոր գոլ է խփել, բայց հետո ի՞նչ: Կարծում եմ, որ Ֆորլանը նույնպես արժանի չէ Ոսկե գնդակի, քանի որ նրա «Ատլետիկոն» նույնիսկ Չեմպիոնների լիգայում չի հայտնվել,- հայտարարել է պորտուգալացի մասնագետը: – Իսկ ահա Սնայդերն այլ հարց է: Ակումբային մակարդակում նա հաղթեց այն ամենը ինչ հնարավոր է, բացի նա հասավ մինչև Աշխարհի առաջնության եզրափակիչ: Նրանից հետո ես կդնեի Խավի Էռնանդեսին»:
