ՄԽԻԹԱՐՅԱՆԸ ՄԱՐԶՎՈՒՄ Է ԱՆՀԱՏԱԿԱՆ ԾՐԱԳՐՈՎ Հայաստանի հավաքականի առաջատար ֆուտբոլիստ Հենրիխ Մխիթարյանի թիմը՝ Դոնեցկի «Շախտյորը», նախապատրաստվում է առաջնության հերթական տուրի 15-րդ տուրի «Դնեպրի» դեմ արտագնա հանդիպմանը, որը տեղի կունենա հոկտեմբերի 30-ին, Երևանի ժամանակով 18:30-ին:
«Շախտյորի» գլխավոր մարզիչ Միրչա Լուչեսկուն, լրագրողների հետ հանդիպման ժամանակ հայտնել է, որ Հենրիխ Մխիարյանը, ինչպես նաև բրազիլացի Ժադսոնը մարզվում են անհատական ծրագրով: «Երկուսն էլ մարզվում են անհատական ծրագրով: Վաղը կայանալիք նախախաղային մարզման ժամանակ կորոշենք ինչ և ինչպես: Դուգլասը մարզվում է ընդհանուր խմբի հետ»,- ասել է Միստերը: Հիշեցնենք, որ Ուկրաինայի առաջնության առաջատար «Շախտյորը» վաստակել է 37 միավոր և հինգ միավորով առաջ է երկրորդ տեղում գտնվող Կիևի «Դինամոյից»:
Totalfootball.am www.footballist.ucoz.com, ADMINISTRATOR
|