Daily Mirror-ը իր բացառիկ նյութում պնդում է, որ «Լիվերպուլի» դարպասապահ Խոսե Ռեյնան գլխավոր մարզիչ Ռոյ Հոջսոնին հայտնել է ակումբից արդեն հունվարից հեռանալու իր ցանկության մասին:
Ռեյնան տեղյակ է, որ իր ծառայություններով հետաքրքրվում են այնպիսի ակումբներ, ինչպիսիք «Մանչեսթեր Յունայթեդը», «Արսենալը» և Միլանի «Ինտերը»: Մի քանի օր առաջ իսպանացի դարպասապահը Ռոյ Հոջսոնին հայտնել է, որ այլևս չի ցանկանում ելույթ ունենալ «Լիվերպուլում», հոգնել է անընդհատ խնդիրներից և խնդրել է հունվարին վաճառել իրեն:
Հոջսոնը փորձել է 28-ամյա ֆուտբոլիստին համոզել մնալ, սակայն նա պնդել է հեռանալու իր ցանկությունը: Կարմիրների ղեկավորությունը ստիպված է համակերպվել դարպասապահի դիրքորոշման հետ, որի պայմանագրում կա կետ, ըստ որի ցանկացած ակումբ 20 միլիոն ֆունտով կարող է գնել նրա տրանսֆերը:
Հունվարին «Լիվերպուլը» պատրաստ կլինի Ռեյնայի վերաբերյալ առաջարկներ լսել: Ակումբն արդեն սկսել է փոխարինողներ փնտրել իսպանացու համար: Հաղորդվում է, որ Հոջսոնը հետաքրքրվում է Գերմանիայի հավաքականի դարպասապահ Մանուել Նոյերով և հոլանդացի Մարտին Ստեկելենբուրգով:
Ավելի վաղ հաղորդվել էր, որ Ռեյնան կարող է «Լիվերպուլը» լքել 2011-ի ամռանը:
Totalfootball.am
www.footballist.ucoz.com, ADMINISTRATOR
