Ռոբենը վերսկսել է մարզումները «Բավարիայի» կիսապաշտպան Արյեն Ռոբենը շարունակում է վերականգնվել ծնկի մկանի վնասվածքից, որը նա ստացել էր աշխարհի առաջնությունից առաջ, որն էլ խորացավ մունդիալի եզրափակիչ խաղի ժամանակ:
Հոլանդացի խաղացողը դրանից հետո ոչ մի անգամ դուրս չի եկել խաղադաշտ: Մյունխենցիների մարզչական շտաբն ավելի վաղ հայտարարել էր, որ թիմի առաջատարներից մեկն այս տարի խաղադաշտ չի վերադառնա: Սակայն Ռոբենի վերականգման պրոցեսում դրական տեղաշարժ է նկատվում:
Հոլանդացին արդեն վերսկսել է մարզումները, բայց այս պահին միայն վազքով է զբաղվում: Հիշեցնենք, որ Ռոբենի վնասվածքի թեման վիճաբանության առարկա էր դարձել «Բավարիայի» և Հոլանդիայի ֆուտբոլի ֆեդերացիայի միջև:
Armsport.am www.footballist.ucoz.com, ADMINISTRATOR
|