Նախորդ շաբաթվա ընթացքում «Մանչեսթեր Յունայթեդի» հարձակվող Ուեյն Ռունին ակումբի ղեկավարությանը տեղեկացրել էր այն մասին, որ չի պատրաստվում ակումբի հետ նոր պայմանագիր ստորագրել:
Ինչպես պնդում է The Daily Mail-ը, Ռունին ընկերներին խոստովանել է, որ պատրաստ է քննարկել իր տեղափոխությունը «Մանչեսթեր Սիթին»: Թերթը նաև տեղեկացնում է, որ «քաղաքացիները» լրջորեն հետաքրքրված են Անգլիայի հավաքականի հարձակվողով և պատրաստ են նրան շաբաթական 320 հազար ֆունտ ստեռլինգ վճարել, ինչը նրան կդարձնի անգլիական Պրեմիեր լիգայի ամենաբարձր վարձատրվող ֆուտբոլիստը: «Մանչեսթեր Յունայթեդը» մտադիր չէ Ռունիին շաբաթական 150 հազարից ավելի վճարել: Այլ երկրի ակումբ՝ օրինակ «Ռեալ», Ռունին հազիվ թե տեղափոխվի, քանի որ նրա կինը ցանկանում է մնալ Անգլիայում, քանի որ ծանր հիվանդ է նրա 12-ամյա քույրը:
