 Թալանվել է «Ինտերի» և Հոլանդիայի հավաքականի կիսապաշտպան Ուեսլի Սնեյդերը, ով իր կնոջ` Յոլանտե Կաբաու վան Կասբերգենի հետ մեղրամիս էր անցկացնում Իբիցայում: Ինչպես հայտնում է Eurosport-ը, գողերը նրանց ժամանակավոր տնից թալանել են մոտ 70 հազար եվրոյի ապրանք: Տուժել է նաև Հոլանդիայի հավաքականի նախկին հարձակվող Պատրիկ Կլյույվերտը, ով այդ ժամանակ հյուրընկալվել էր Սնեյդերին: Նորապսակները իզուր չէին որոշել իրենց մեղրամիսը անցկացնել Իբիցայում, քանի որ հենց այստեղ է ծնվել ֆուտբոլիստի կինը: Նման մի դեպք է պատահել նաև Մադրիդի «Ռեալի» կիսապաշտպան Խաբի Ալոնսոյի հետ. թալանել են նրա տիկնոջը: Նրանից գողացել են դրամապանակը: Նույն կղզում իրենց հանգիստն էին անցկացնում նաև Դավիդ Վիլյան և Պեպե Ռեյնան, ում հանցագործներն, ամենայն հավանականությամբ, չեն նկատել, և ֆուտբոլիստները լավ ժամանակ են անցկացրել:
www.footballist.ucoz.com,VQE
|
