Հայաստանի մինչև 17 տարեկանների հավաքականը Իսլանդիայում կայացած Եվրոպայի առաջնության ընտրական փուլում 7-րդ խմբում զբաղեցրեց չորրորդ հորիզոնականը:
Մրցաշարի վերջին խաղում հայ պատանիները 1-2 հաշվով պարտվեցին իրենց իսլանդացի հասակակիցներին: Հայաստանի հավաքականից միակ գոլի հեղինակն է դարձել Նաիրի Մինասյանը, որը 12-րդ րոպեին հավասարեցրել է խաղի հաշիվը: Խմբի մյուս խաղում Թուրքիայի հավաքականը, 6-1 հաշվով առավելության հասնելով Չեխիայի նկատմամբ, զբաղեցրեց երկրորդ հորիզոնականը: