Հայաստանի մինչև 19 տարեկանների հավաքականը Եվրոպայի առաջնության ընտրական փուլի նաև երկրորդ խաղում պարտություն կրեց 0-3 հաշվով:

Լիտվայում ընթացող մրցաշարում մեր ընտրանին այս անգամ 0-3 հաշվով պարտություն կրեց Իսպանիայի հավաքականից: Հանդիպման 15-րդ րոպեին հաշիվը բացեց «Ռեալ Մադրիդի» երկրորդ թիմի ֆուտբոլիստ Ալվարո Մորենան: Հաջորդ երկու գոլերը Հայաստանի հավաքականն ընդունեց երկրորդ կեսի մեկնարկում՝ ընդամենը մեկ րոպե տարբերությամբ: 52-րդ րոպեին նույն Մորենան կրկնապատկեց հաշիվը, իսկ 53-րդ րոպեին «Ռեալ Մադրիդ Կաստիլիայի» ևս մեկ ֆուտբոլիստ Պաբլո Սարաբիան երրորդ գնդակն ուղարկեց Կարեն Իսրայելյանի պաշտպանած դարպասը:

Մեր ընտրանին խմբի վերջին հանդիպումը կանցկացնի հոկտեմբերի 24-ին, երբ ուժերը կչափի դաշտի տերերի՝ Լիտվայի հավաքականի հետ:

Իսպանիայի դեմ հանդիպման ժամանակ Հայաստանի հավաքականը խաղացել է հետևյալ կազմով.

Կարեն Իսրայելյան (ա), Ալեն Համբարձումյան, Գրիգոր Հովհաննիսյան (Արտուշ Քերոբյան 57՛), Գրիշա Խաչատրյան, Վալտեր Պողոսյան, Նարեկ Գյոզալյան (Հայկ Հունանյան 83՛), Գագիկ Պողոսյան, Դավիթ Սուջյան (Վահագն Այվազյան 47՛), Խորեն Մանուչարյան, Արգիշտի Պետրոսյան, Դավիթ Մինասյան:

---

Totalfootball.am
www.footballist.ucoz.com, ADMINISTRATOR