Եվրոպայում գոյություն ունեն ֆուտբոլային ակադեմիաներ, որոնք լավագույններից են ամբողջ աշխարհում: Այդպիսին են Ամստերդամի «Այաքսի» ֆուտբոլային ակադեմիան, կատալոնական «Բարսելոնայի», պորրտուգալական «Բենֆիկայի», անգլիական «Մանչեսթեր Յունայթեդի» ֆուտբոլային ակադեմիաները: Սրանք ֆուտբոլիստների դարբնոցներ են, որոնք ամեն տարի «արտադրում են» ֆուտբոլային տաղանդներ: Մեր սիրելի ակումբի ֆուտբոլային ակադեմիան դեռևս նման որակներով աչքի չի ընկնում, չնայած որ «Ռեալի» սաներից շատերը բարձրակարգ խաղ են ցույց տալիս այլ թիմերում, ինչպիսին օրինակ՝ Խուան Մանուել Մատան է:Մինչև Մոուրինյոյի թիմի ղեկը ստանձնելը՝ «Ռեալի» ղեկավարությունը արդեն իսկ շեշտը դրել էր սեփական սաների ֆուտբոլային որակները օգտագործելու վրա: Թիմ հրավիրվեցին Գրաներոն, Ադանը, Միգել Տոռեսը և այլ երիտասարդ ֆուտբոլիստներ, որոնք հիմնականում հանդես էին գալիս կանտերայում: Սակայն այս ֆուտբոլիստներից իր ցուցադրած խաղով բոլորովին առանձնանում էր Ռուբեն Դե լա Ռեդը: Չնայած երիտասարդ տարիքին՝ Ռուբենը բավականին հասուն և գրագետ խաղ էր ցուցադրում, ամրապնդվեց Իսպանիայի երիտասարդական հավաքականի հիմնական կազմում, այնուհետև «Ռեալի» հիմնական կազմում, իսկ 2008 թվականի ամռանը Իսպանիայի ազգային հավաքականի հետ միասին հռչակվեց մայրցամաքի չեմպիոն: Կարծես թե ամեն ինչ հրաշալի էր…Ռուբենը անընդհատ կատարելագործում էր իր խաղը, մշտապես խաղում «Ռեալի» հիմնական կազմում, պարբերաբար փոխարինման դուրս գալիս Իսպանիայի հավաքականում: Սակայն եկավ չարաբաստիկ օրը…2008 թվականի հոկտեմբերի 30-ը, երբ «Ռեալը» գավաթային հանդիպում էր անցկացնում ցածր լիգաներից մեկը ներկայացնող՝ «Ռեալ Ունիոնի» դեմ: Դրվագներից մեկում Դե լա Ռեդը ընկավ, որից հետո կորցրեց գիտակցությունը: Ֆուտբոլիստին անմիջապես տեղափոխեցին հիվանդանոց: Երկարատև հետազոտությունից հետո բժիշկները հնչեցրեցին ամենավատը ցանկացած պրոֆեսիանալ մարզիկի համար. Ռուբենին հակացուցվեց զբաղվել իր սիրած գործով. տաղանդավոր ֆուտբոլիստը այլևս ֆուտբոլ չպետք է խաղար. Նրա ընկերները և մտերիմները նշում են, որ Ռուբենը չափազանց ծանր է տանում այդ փաստը և ֆուտբոլից բոլորովին չկտրվելու համար պարապունքներ է անցկացնում ցածր տարիքային երեխաների հետ: Իր վերջին հարցազրույցում նա նշել է, որ հավատում է հրաշքներին և դեռ հույս ունի վերադառնալ մեծ ֆուտբոլ: Դե լա Ռեդը ընդամենը 25 տարեկան է: Ձեզ ենք ներկայացնում նրա ֆուտբոլային կարիերայի մասին պատմող՝ բավականին գեղեցիկ մի տեսանյութ.
