Ժոզե Մոուրինյոն այսօր կայացած մամլո-ասուլիսի ժամանակ խոսել է սպասվելիք հնարավոր բարդությունների մասին, որոնք կարող են առաջանալ «Հերկուլեսի» հետ վաղը՝ ժամը 23:00-ին կայանալիք խաղում: Սակայն մադրիդիստների մարզիչը հայտարարել է, որ հավատում է իր թիմին:
«Ոչ-ոք այս խաղում ապահովագրված չէ բարդություններից: Թիմը խաղում է միավորների համար, և ակնհայտ է, որ մենք պարտության մասին չենք մտածում, այլ՝ միայն լավ բաների մասին»:
««Հերկուլեսը» մի քանի մեծ գործեր արել է այս մրցաշրջանում, և նրանք լավ են խաղում սեփական դաշտում, որտեղ մենք ստիպված եղանք մեծ պայքար մղել հաղթելու համար: Սա հեշտ խաղ չէ մեզ համար: Նրանց ֆուտբոլիստներից կան շատ անհատականություններ, որոնք ակնկալում են դրական արդյունք»:
«Մենք ցանկանում ենք պահպանել կատարյալ արդյունքը «Բեռնաբեուում»: Ամուր խաղ անցկացնելը մեծ խթան կհանդիսանա մեր վստահության բարձրացման գործում՝ նախքան «Լիոնի» հետ խաղը»:
«Ամենակարևորն այն է, որ թիմը մտածի, թե ինչպես է պետք խաղալ, ու չփորձի խաղալ նախորդ խաղում խաղացած համակարգով: «Ռեալ Մադրիդը» կարող է մեկ օր կորցնել Ռոնալդուին, բայց նրանք պետք է շարունակեն իրենց մեծ խաղը»:
«Մենք լավ խաղացինք նաև «Ռասինգի» հետ խաղում: Այն լավ խաղ էր, մենք լավ ենք խաղացել ամբողջ մրցաշրջանում և լավ արդյունքի ենք հասել: Եթե դուք մտածում եք, որ Կրիշտիանուն «Ռասինգի» հետ խաղը բաց է թողել, որպեսզի մասնակցի Չորեքշաբթի օրվա «Լիոնի» հետ խաղին՝ դուք սխալվում եք: Ես ուզում եմ, որ նա խաղա, բայց չեմ նախընտրում խաղադաշտ դուրս բերել այն խաղացողներին, ովքեր 100%-ով պատրաստ չեն: Եթե Կրիշտիանուն ստիպված լիներ խաղալ վաղվա խաղում, ապա նա չէր խաղա, որովհետև նա ամբողջովին առողջ չէ, բայց ես վստահ եմ, որ նա կկարողանա մասնակցել Չորեքշաբթի կայանալիք խաղին՝ Շաբաթ, կիրակի, երկուշաբթի և երեքշաբթի օրերին մարզումներ անցկացնելուց հետո»:
«Մենք բոլորս նույն կարծիքն ունենք Բենզեմայի վերաբերյալ: Նա բարելավվել է շատ տեսանկյուններից, մենք կարող ենք ասել, որ նա տարբերվում է ու այսպես ավելի լավ է»:
«Օզիլը գնալով բարելավվում է: Նրա ադապտացիան շատ լավ է ընթանում: Դա հիասքանչ գործարք էր «Ռեալի» համար, որը եղավ բավականին ցածր գնով»:
«Ես հիմար չեմ, մենք բոլորս գիտենք, որ այս պահին առաջնությունում հնարավորությունները փոքրանում են: Երբ մի թիմ խաղում է Չեմպիոնների Լիգայում՝ չորեքշաբթի և Լա Լիգայում՝ կիրակի, իսկ մյուսը՝ ՉԼ-ում՝ երեքշաբթի, իսկ Լիգայում՝ շաբաթ, ապա «Ռեալը» չունի նույն հնարավորությունները մրցելու համար: Սա ոչ բոլորի համար է, որ արդար է»:
©Գևորգ Մովսիսյան. Armsport.tk
